15 49.0138 8.38624 1 1 4000 1 http://wyrta.com 300 0

Thut ki kor EVM ha ki 6 tylli ki Polling Station, u pynman ya ka thap Vote biang ha kawi

0 Comments

Shillong: U Chief Electoral Officer (CEO), u Federick R Kharkongor da pyntip u wa da sñiaw u wa emkaam wow pynman ya ka thap Vote biang (Re-poll) ha Konarchar Polling Station kawa em hapoh ka Selsella Assembly Constituency hadien wa ki Sector Officers da chem ki wa em i yakleh ki kor EVM wa toh neibynyta ka Election MP wa ki kor EVM wa toh neibynta Election MLA chiteiñ samoi ka Selsella iwa da jia neidaw wa bakla u bru ym toh wa sih ki kor EVM wei da em 712 ngut kiwa thap Vote kani ka Polling Station.

Da pyntip u leh wa em 6 tylli ki thaw wa thut ki kor EVM neidaw wa myllin wow pyndooh ya i thap Vote wa pynman haka Mock Poll na kini ki EVM.

Advertisement ad1

Neiliang ki Returning Officer da tyrwa ki wa toh u kheiñ ya ki Vote lyngba ki Slip ki kor VVPAT da pyntip u CEO wei da pyntip cha ka Election Commission of India wa lada hoi wow leh ya ini.

Kini ki Polling Station wa thut ki EVM toh ha Khliehrangnah wa haap hapoh ka Raliang Assembly Constituency wa Nongpyndeng wa em hapoh ka Nongstoin Assembly Constituency yong ka Shillong Seat.

Hapoh ka Tura Seat da em 4 tylli ki Polling Station wa thut ki kor EVM kitæ ha Passengagre, Tochapara, Amida Simsang waroh kiwa em hapoh ka Gambegre Assembly Constituency wa kawi ha Dawagittingre hapoh ka Williamnagar Assembly Constituency.

Na ki 31,624 ngut kiwa thap Vote ha Selsella Assembly Constituency, 29,157 da wan ki wow thap Vote ya ka Election MP waka Election MLA chiteiñ samoi.

U CEO da pyntip u leh wa daw em 13 tylli ki thaw niaw Vote wei da em 13 Platoon ki Central Armed Police Forces ki wow yang ya kini ki thaw waroh 24 kynta.

Ka sngi niaw Vote u man ko haka 23 tarik u bnai wow wan.

Advertisement ad1
Advertisement ad1

0 Comments

Leave a Reply