April 12, 2019

Yoh kem ya le tylli ki truck wa kit mooyong

Jowai: Katkam wa pyntip ki pulit, haka 11 tarik uni u bnai heipor 4:20 i janmiet hadien wa yoh yutip ki na u CP Mawkon, MCS, EAC, Nongstoin (WKH), wa da suba u wa em ki kattu katni ki truck wa kit mooyong pyrchah ya ka hukum ka NGT ha Maw Mawrusyiar (WKH).

Neiliang ki pulit ka Nongstoin da lai ki cha ini i thaw wei da chem ki ya le tylli ki truck wa em number ML-10B-6678, ML-10A-9614 wa ML-10B-7284 kiwa da pynyeiñ rap charood na u sarok bah ha Mawrusyiar (WKH).

Kiwa yah ya kini ki truck da yut ki chwa wow poi ki pulit wei ya kini ki truck da kem ya ki wei da rah cha Mawiaban Police Reserve yow booh ya ki.