15 49.0138 8.38624 1 1 4000 1 http://wyrta.com 300 0

Yachem ka JSU War Jaiñtia wa ka BSF yow chimkhia ya ki kaam tooh kaam lute wa leh da ki nong Bangladesh

0 Comments

Jowai: Ka JSU War Jaiñtia Circle hadien wa ka yoh sñiaw ko yei ood ki paidbah ka thaaiñ hajrong i chah thombor ha ki bru wa sih kiwa pyndik wei pynchongsyier ya kiwa chong chnong deiwa lute wei pynmynsoo ya ki paaid wa chong chnong wei kamjooh ya kiwa lai wa wan wa ya kiwa yah truck kiwa yeiñ wow yang u challan mar cha Bangladesh. Kine ki bru da suba joor toh kiwa na baar ri kiwa krehlang wa ki bru wa napoh ka ri India.

Ka JSU War Jaiñtia Circle hapoh i yahkhmat u President u Eddy Kery Pohtam wa u General Secretary u Kerrydiam Lamin deilang wa ki dkhot ka seiñ da lai yachem ki wa u Commandant yong ka BSF ka BOP Dawki u Pradeep Kumar wa ya u Officer In-charge ka Dawki Police Station, wei da kyrpaad ya u Commandant ka BSF wow chimkhia wow pynkhlan ya ki bor wa sonteri ya ka khappood, khamtam ha ki thaw wa joor i chah thombor ki bru kiwa em ha ka thaaiñ Tamabil wa Dawki na ki nong Bangladesh khamtam heipor miet.

Advertisement ad1

Neiliang u Commandant u Kumar da kular wow leh katwa ye yow wanrah ya i sñiawchngain ya ki bru kiwa em ha ki khappood. Da kyntu u leh ya ki paidbah kamjooh ya ki VDP wow em ka mynsien krehlang, wei ka BSF man ko kawa smat wow yarap wow yada na kiwon kiwon ki bru wa suba toh kiwa na Bangladesh.

Ha ka jooh ka sngi ka seiñ ka da lai yachem ko wa u OC Dawki Police Station, neiliang yong u OC da kular u wow chimkhia ya kini ki kaam wa da jia na ki por cha ki por hanlada man ko kawa eh tangwa dei ya krehlang kiwa chong chnong deilang wa ki VDP daw pynkhlan wei u chimkia wow paitbniah ya kini ki kaam.

Ka JSU War Jaiñtia da kyntu ko leh ya ki Dorbar Chnong yong ka Dawki wa ka Bakur wa ya waroh kiwa chnong chnong ka War Jaiñtia wa War Khasi kiwa em khappood waka Indo-Bangladesh wow chimkhia ki wow pynkhlan ya ki VDP wei leh wow krehlang wa ki BSF kamjooh wa ki Pulit khnang wow wanrah biang ya ka chongsuk ya kiwa chong chnong kiwa lai wa wan.

Advertisement ad1
Advertisement ad1

0 Comments

Leave a Reply