15 49.0138 8.38624 1 0 4000 1 https://wyrta.com 300 0
Advertisement ad1

Pyrchah ka NESO yei thmu ka BJP wow pynkrehkaam ya ka CAB

0 Comments

Jowai: Ka North East Students’ Organisation (NESO), kawa kynthup lang waka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) wa ka All Arunachal Pradesh Students’ Union (AAPSU) ki 8 tylli ki seiñ kiwa dang lai puræ namo ki Students’ Movement ki 7 tylli ki jylla ka Northeast da pynsñiaw ki ya ka pyrchah ya ka Election Manifesto ka Bharatiya Janata Party (BJP) kawa pynlait ynne ka sngi neibynta ka Lok Sabha Election 2019.

Ka NESO da ong ko wa ka BJP hapoh ka Manifesto wa iwi na ki thong krehkaam yong ka toh wow pynman aiñ ya ka Citizenship Amendment Bill (CAB) lada poi biang ko ha i bor hadien kani ka Election.

Ka NESO da pynkynmoo ko wa waroh ka thaaiñ Northeast da rah ki ya ki kti yong ki wow pyrchah ya ka CAB yei thmu ka sorkar India wow pynman aiñ ya ka deiwa yoh yei mynjur naka Rajya Sabha kawa da ye u pynyap ya ka CAB ini wa da dep.

Heiyatoh wa ini ka NESO da pynrem joor ko ya ini i thmu ka BJP kawa pynyoo wa ym em pyrkhat ko ya ki khian paaid ka Northeast wa ini i thong yong ka BJP daw dooh ki yei mantre pyn haki chnong ki thaw yong ki.

Ka NESO sa chisien da pynkynmoo ko wa ym em pyrchah ko ya kiwon kiwon ki jaitbru kamjooh ya ka niam tangwa ki baar ri man hi ki ki baar ri lada em ki ha kawon kawon ka niam, wei ka NESO kwah ko leh wow phah ya ka khubor wa che wa ym e laad ko ya kiwon kiwon wow booh ya ka mynried ki juk wow wan hei ma wei u pteiñ ko u yakhih heiyatoh wa ini.

0 Comments

Leave a Reply