Advertisement ad1

Jowai: Ka Jaiñtia Students’ Union (JSU) ynnin ka sngi 10 tarik hapoh i yahkhmat u Working President u Lawyerson War wa u General Secretary ka seiñ u Jersom Shylla da lai yachem ki ya u Deputy Commissioner ka West Jaiñtia Hills District u R. Rapthap heiwa da e leh ya ka dorkhat hei yatoh wa i duna i rukom krehkaam ka MPSC & MBOSE Cell hapoh ri-loom Jaiñtia.

Katkam ka dorkhat, ka JSU da kyrpaad ko ya u DC wow chimkhia lyngba ka Commision wow kyntu chooh chooh ya kani ka Cell kawa em ha Jowai deiwa thung chooh ya ki wakreh, wei wow wanrah biang ya ka Jowai Centre neibynta wow pynman ya ka exam ka MPSC khnang wa ki khynroo khyllood u yoh myntoi ki.

Advertisement ad1

Ha iwi won i liang ka seiñ da yaklam ko leh hei yatoh wa ka MBOSE Cell wow pynbiang ya ki wakreh neibhah hadooh katni ki khynnah puræ dang haap lai ki cha Shillong wow pynbait ya ki kot ki sla (correction) wa kiwi kiwi kiwa emkaam ki.

Ha ini i yachem neiliang u DC da kular u wow chimkhia ya kini ki ar tylli ki phang khnang wa ka MPSC wa ka MBOSE Cell u man ki kiwa krehkaam bait khnang wow man ki i kyrkhu ya ki paidbah.

Heijooh i por ka JSU da kyrpaad ko ya kiwa thooh kreh lyngba ka MPSC wa ya ki khynnah skur kamjooh kiwa pyllai skur wa lada em iwon iwon i chitom wa yachem ki heiyatoh wa kini ki ar Cell wow ujor bait ha u DC namo wot cha ka seiñ leh kamjooh.

 

Share this:
Share on Facebook0Tweet about this on TwitterGoogle+0
Advertisement ad1