Jowai: Ka Semi Final wa ar yong ka 2nd Division wa pynman da ka WJDSA, ynne ka sngi da pynman ha pyrdi ka West Madan Mustem pyrchah ya ka Mukhla heiwa ka Mustem da jop ko da 2-1.
Ka Mukhla da yoh ko u thap nyngkong ha ka minit wa 8 lyngba u Revise Bang tangwa u Khlurki Shylla da pynjop u ya ka West Madan Mustem deiwa thap ar tylli ki kool ha ka minit wa 38 wa 80+2.
Da ini i jop ka West Madan Mustem da psiah ko cha ka Final kamjooh da ku kyrdan ko cha ka 1st Division.
Ha ka Semi Final wa nyngkong yong ka 1st Division won, ka Mynthong da pynrem ko ya ka Lumiawmuchai Shangpung da 2-1.
Ka Mynthong da thap nyngkong ko ha ka minit wa 8 lyngba u Amity Tongper tangwa ka Lumiawmuchai da su biang ko ha ka minit 28 wei da kut ka kylla step wa ka kylla miet mar chi kool.
Ha ka Extra Time u Wanriki Lyngdoh yong ka mynthong da thap u ya ka kool wa pynjop ha ka minit wa 94.
Da ini i jop, ka Mynthong da psiah Final ko wei kamjooh da ku kyrdan ko cha ka Super Division.
Discussion about this post