₹2 klur u e yarap ka sorkar cha ki Hospital wa e chakri khlem da yoh nong

Kam chibynta wow pynkhlan ya ki thaw sumaar, neiliang ka sorkar da sdang ko ya ka Meghalaya Health Advancement Policy kawa man neibynta ki Non-Profit Hospital deiwa e yarap ya ki mar ₹2 klur.

Ya kani ka Scheme da pynlait paidbah ka ynnin ka sngi da u Montri Rangbah, u Conrad K. Sangma heiwa da e kti ya ka bhah wa nyngkong namo ka First Instalment kawa mar ₹1 klur cha Tura Christian Hospital wa Holy Cross Hospital, Tura.

ADVERTISEMENT

U Conrad da pyntip u wa daw e kyrchaan ya 5 tylli kam kini ki Hospital kiwa da seiñ khlem dei thmu wow yoh nong deiwa e yarap poisa ya ki yow pynchna pymiat ya ka thaw sumaar ki.

Da ong u leh wa kani ka poisa ye wow pynemkaam ka yow pynbha pynmiat ya ki tiar sumaar, u chna kamra, u thied tiar wa kiwi de.

Ya ka Second Instalment won daw e hadien wa pynyoo wa dadep pynemkaam ya ka First Instalment.

Related posts

Yap 51 ngut na ki 267 ngut ki nong India kiwa psiah kaam chipai ha Russia

October 15, 2026

Yoh kem noh ya ki ar ngut kiwa taan ya ka kynthai hawa tooh ya ka muna ko | Chah siat ki ha ki pulit heipor wa yut

October 15, 2026

U Conrad da yaroh u ya ki Hospital wa pynlai da ki seiñ niam kam ki Missionaries wa kiwi ki seiñ wa e yarap cha ki bru hapoh ka jylla. Wei neiliang ka sorkar kwah ko wow pynyoo yei sñiawngooh deiwa e yei kyrchaan.

Da pyntip leh wa da jied ya ki Hospital wa em ha Jowai wa Shillong wow yoh yeini i jooh i yarap.