Ka Rifiness Warjri kawa man ka kynthai wa le napoh ka jylla Meghalaya kawa da ye wow ku ya u Mt. Everest, da yoh yarap ko ₹6 lak heiwa ₹5 lak wan ko na ka CM’s Special Grant katwa ka ₹1 lak won na ka Department of Sports and Youth Affairs.
Ka Rifiness kawa em 20 snem i rta da pynkup burom ka ynne ha State Convention Centre, Shillong kam chibynta ka yalang wow saam Grant cha ki Sports Association ka jylla yow e mynsien ki neibynta i pynkhreh ya ka 39th National Games kawa daw pynman ha Meghalaya ha u snem 2027.
Neiliang u Montri Rangbah, u Conrad K Sangma hawa e yei klam da ong u wym toh iwa suk wow ku ya u Mt. Everest heiwa da kylli u na ka lada em i por wa pyrkhat ko wow ieh noh chiteiñ heiwa neiliang ka Rifiness da ong ko ymtoh iwa jem wow ku ya u Mt. Everest heiwa da syuiñ ko heipor wa ku ya u Lobuche Peak, tangwa manda poi ko cha khlieh uni u loom da yoh mynsien ko wei da rai kut ko wow ku sa ya u Mt. Everest.
Kam wow pynkynmoo wa ka Rifiness toh kawa man kam ka NCC wei dapoi ko ha khlieh dooh u Mt. Everest hei step ka 18-05-25 uwa jrong 8,848.86m deiwa man kawi na ki 10 ngut wa da chah jied na ki 17 lak ngut ki NCC na kylleiñ ka India.
Puræ leh: MY EVEREST JOURNEY
Discussion about this post