Palat ₹39 klur saam ka sorkar cha ki Sports Association yow pynkhreh kiwa yalehke neibynta ka 39th National Games

I pynkhreh ya ka 39th National Games kawa daw pynman ha u snem 2027 ha Meghalaya da lai ko chakhmat wei kam chibynta ini da saam da ki Grant-in-Aid cha kiwa da pynkhreh wow chimbynta ha ka yalang wa da pynman ha State Convention Centre, Shillong ynne, wei kani man ko leh kam i pynkhreh da ka Department of Sports and Youth Affairs (DSYA) yow pyndap pynbiang yeiwa emkaam kiwa yalehke yow e mynsien ya ki.

U Conrad hawa e yei klam da ong u wa da pynlut ₹1,900 klur wow chna ya ki thaw yalehke wa kynthup ya 50 tylli ki Artificial Turf ha kylleiñ ka Meghalaya iwa boon dooh na waroh ki jylla ka pyrthai najrong wa i chna ya ki Synthetic Track wa kiwi de kiwa emkaam.

Da khana u leh wa da ya krehlang wa ka Tourism Department yow pynboon ya ki Homestay wa ki Boutique Hotel neibynta wow sah kiwa yalehke iwa daw yarap ya ki tre chnong wa seiñ khih wei ka thong neibynta kiwa yalehke ka Meghalaya toh yow yoh ym duna ya 50 tylli ki Medal ha ka 39^th National Games.

Related posts

Da ki tadong pynlang snaam chem ha rood ka wah Myntdu

April 30, 2026

Yoh pynlait ya ka kynthai Khasi kawa dang 16 snem na Bengaluru kawa yut wa uwi u Muslim

April 30, 2026

Heiyatoh wa ka Grant da saam ₹39,17,64,000 cha ki 26 tylli ki State Sports Associations wa cha ka MSOA yow kyrchaan ki hei pynkhreh yong ki, “Hei sien nyngkong hapoh ka ri, ka sorkar jylla da e ko da ka Grant cha ki Sports Associations wei du ha u snem 2018 da e ka Grant cha ka SSA kawa palat ₹15 klur,” da pyntip u Conrad.