Kam chibynta wow pynchlur ya ki bru wow pynemkaam da ki kari wym em pynemkaam phniang ki wym em pynmih tdem kamjooh yow yoh leh yei chait i khiah wa ka laær wa khooid, da sdang ya ka Ride Shillong heiwa ki paidbah ye ki wow pynemkaam da ki Electric Bicycle yow pynkyllooid leh ya ka Shillong.
Ya ini da pynkrehkaam deiwa yoh yei kyrchaan na ka Ministry of Housing and Urban Affairs, ka GIZ (India-Germany Cooperation), ka Meghalaya Tourism chirup ka Green Urban Mobility Partnership.
Hawa wan wai ya kini ki Bycycle, u Montri Rangbah ka jylla, u Conrad Sangma da ong u wa i yah Bicycle ha Shillong ymtoh iwa suk neidaw wa em boon ki thaw wa riat tangwa deiwa em ki Electric Bicycle da ye wow pyndam ya uni u moochynthut.
Ha kani ka sngi da emlang leh u Milind Soman uwa da yaroh yeini wa da leh ka sorkar deiwa ong wa i yah Bicycle toh kawa miat neibynta ka pyrthai waroh kawi wei ka Shillong kattu da yahluti ko ya ka India waroh kawi.
Ha kain ka sngi da pynman leh ya ka Cycle Rally na Elephant Falls cha Mawphlang wei da pynman leh Cycling Heritage Rally ha Shillong.
Kini ki Cycle toh kiwa ye wow pynemkaam da waroh wei kiwa emlang leh ya u Electric Motor yow yarap u ksaid manda ku riat.
Kiwa kwah wow pynemkaam hap ki wow Download ya ka ‘Ride Shillong’ App neitæ u Scan ya u QR Code yow ye u pynemkaam ya kini ki Bycycle wei ye u yah ki kat chawa kwah tangwa hap wow li booh biang ki du ha ki thaw wa da booh donhi.
Yow pynemkaam hap wow su ₹50 kam ka Deposit wa ₹10 won man ka chi kynta wa bood.
Kiwa pynemkaam hap ki wow sap Helmet wei wow bood ya ki kyndon yah kari wei wow booh ya kini ki Cycle du ha ki thaw wa da booh kyrpang neibynta yong ki.
Discussion about this post