U Deputy Chief Minister ka jylla, u Sniawbhalang Dhar, ynne da lai pait u yei thaw wa da thmu wow chna ya ka yung krehkaam (Office Building) wa thymme ka Sengkhihlang wa em ha Baniun, East Khasi Hills heiwa da pynbna u leh ya ka poisa yarap wa ₹50 lak neibynta wow pynchna ya kani.
U Sniawbhalang uwa da jooh lai e yarap neipor cheipor ya ki niam wa boon jait deilang cha ki chnong ki thaw, da pynsñiaw u yei angnood yong oo wow kyrchaan ya ka roi ka paar kawa kynthuplang ya waroh wei wow yada ya ki dustur riti lyngba kini ki laad yarap.
I chna ya kani ka Building thymme daw sdang noh wei daw man ko kam ka bynta wa kongsan neibynta ki kaam niam wa kiwi de ki kaam wa emkaam wei ya ka Sengkhihlang yow man ko ka bynta wow yada wei yarap wow pynneh pynsah ya ka riti dustur wa i man tynre ki Khasi wa Jaiñtia.
U President wa u Secretary ka Sengkhihlang da pynsñiaw ki yei sñiawngooh wa khroo ya u Deputy Chief Minister neibynta i yarap wa bha yong oo kawa man leh kawa daw yarap bha wow pynsmat chiboon yei kreh wei wow pynkhlan yei thong yong ka seiñ.
Da ong ki leh wa da emkaam bha ya ka Office thymme yow yada wei pynneh pynsah ya ka pateiñ, ka riti dustur kawa mahajon ka jaitbru khnang wa ki pateiñ wow wan yow ye ki u yoo yei tynre yong ki.
Discussion about this post