15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

1.6 lak ngut ki warep wow myntoi ha Meghalaya na ka poisa wa pynlait ka sorkar pyrdi

Advertisement ad1
Advertisement ad1
Advertisement ad1

U montri rangbahdooh ka ri, u Narendra Modi ynne da pynlait u ya ka bhah (Instalment) wa 7 yong ka Kisan Samman Nidhi namo ka Scheme ki warep lyngba ka Video Conference heiwa da yaklam u leh wa ki warep na ka jylla Arunachal Pradesh, Odisha, Haryana, Tamil Nadu, Uttar Pradesh, Maharashtra wa Madhya Pradesh. 

U Modi hawa e yei klam da ong u wa T. 18,000 klur da pynpoi cha ki Bank Account ki 9 klur ngut ki warep ka ri weiwa nadooh wa sdang ya kani ka Scheme da em palat T. 1,10,000 klur wa da psiah cha ka Account ki warep.

Da sñiawsih u leh wa ki palat 70 lak ngut ki warep na West Bengal ymye ki wow yoh myntoi neini neibhah hanlada em 23 lak ngut kiwa da pyndap pyrtuid wow yoh myntoi na ka neiliang ka sorkar jylla won da pynsangeh ko yeini (Verification Process). 

U Modi da ong u wa ka sorkar yaleh ko wow pynduna yei lut poisa ki warep ha kiwa boon rukom deiwa e nongmuna ya ka Crop Insurance Scheme.

Da ong u wa katni ki warep da yoh ki yei yung, paikhana wa ka umkor, da yoh myntoi ki leh ya ka bordiñ kawa da riñ mynkna (Free Connection), ka LPG wa kiwi kiwi. 

Neiliang u montri rangbah ka jylla, u Conrad Sangma da e khublei u ya u Modi wa da e u ya kani ka “Christmas Gift” cha ki 9 klur ngut ki warep ka ri wei kiwa kynthup ya ki 1.6 lak ngut ki warep ka jylla Meghalaya na ka Kisan Yojna.

Share this:
Previous

Saam kymmor ka Ladmukhla cha ki 45 ngut kiwa emkaam yarap hapoh ka chnong

Next

Da pyndep yaka Christmas deiwa bood kyndon sorkar