10 snem phah kset ka yung bichaar ya u manpa wa slaitbor yaka khon ha Jowai

U Public Prosecutor uwa man leh kam u Government Pleader ka West Jaiñtia Hills District da pyntip u wa uwi u bru uwa slaitbor pyn yaka khon hi u da phah kset ya oo da ka yung bichaar u Session Judge Khliehtyrshi 10 snem.

Ini toh iwa da sdang takit da ki pulit ka Jowai Police Station hadien wa yoh ujor na kawi ka manbei haka 13-12-2008 wa u Riang Najiar da slaitbor u pyn ya ka khon u hei yung wa sah ko ha Jowai.

Ya ini i kaam da takit da ka WPSI O. Tyngkan wei da Chare Sheet ya u Riang Najiar deiwa pynngat oo hapoh ka kyndon 376/511 IPC.

Ha ka 4 tarik uni u bnai, u Riang Najiar da yieñ chah bichaar u wei da rai pynrem oo hapoh ka kyndon 376(2)(f) ka IPC wei ynne ka sngi da phah kset ya oo 10 snem deilang waka kuna kawa Rs. 5000.

Related posts

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Na pchem yung chah tooh sa kawi ka Scooty ha Jowai

January 5, 2026

Ka yung bichaar da phah su ko leh Rs. 3 lak cha kawa chah slaitbor.