Ka yung bichaar u Noor-Ain Khan (MHJS), Sessions Judge, West Jaiñtia Hills District, ha ka 10 tarik uni u bnai da rai pynrem ko ya u Deilang Talang uwa na ka chnong Bhain, Shilliang Myntang heiyatoh wa i kaam pynyap bru.
Ini toh iwa da takit hadien wa yoh FIR ha ka 19-12-1998 wa booh da u Gedrik Sten heiwa da ong wa u khon u, u Bniahbha Pala da mih lai kreh u ha ka 18-12-1998 deilang wa u payu ar bei u, u Sweet Pala ha kawi ka thaw thang rngaw wa em ha Sahpat ka chnong Barato.
Hawa liwan yung u heipor kamwa 6:00 waje i miet, u Deilang Talang da khut u ya oo cha yung wa sah u ha chnong Laser heiwa da dung u ya u Bniahbha Pala hadooh wa yap.
Yei takit yeini wa jia da leh da u S.I. P.S. Khongtip heiwa da Charge Sheet hapoh ka Section 302 ka IPC.
Hadien wa dep u bichaar, neiliang ka yung bichaar da rai pynrem ko ya u Deilang Talang hapoh ka Part II ka Section 304 ka IPC deiwa phah kset ya oo 5 snem deiwa pynchitom joor bha deilang ka kuna wa Rs. 1000.
Lada ym su ya ka kuna daw hap chong patok sa chi bnai.
Discussion about this post