10 snem phah kset ka yung bichaar ya uwa slaitbor ya ka khynnah kawa em i duna

Uwi u bru uwa slaitbor ya ka khynnah kawa dang khian kawa em leh i duna, da chah rai pynrem u wei da phah wow kset ya oo 10 snem.

I takit yeini wa jia da sdang i hadien wa yoh ya ka FIR ha ka 17-10-2016 ha Nongthymmai BH na u pa ka khynnah deiwa ong wa u Batskhembor Diengdoh da slaibor u ya ka khon u kawa dang khian rta wei man ko leh kawa duna hei bor jabieñ.  

Ya ka Case da Register ha Rynjah PS hapoh ka kyndon 5(k) ka aiñ POCSO Act wei da lai kem leh ya u Batskhembor.

Hadien wa pyndep yei takit, neiliang ka Investigating Officer, ka Insp. B.M. Kharakor kawa em katni ha CID Organization, Meghalaya, Shillong da Charge Sheet ko ya u Batskhembor ha ka 31-05-2017 hapoh ki kyndon 5(k)(l)/6 ka POCSO Act.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Neiliang ka yung bichaar ka R. Rymbai, Spl. Judge (POCSO), East Khasi Hills, Shillong ha ka hukum wa da pynmih ha ka 25-09-26 da rai pynrem ko ya u Batskhembor Diengdoh hapoh ka kyndon 6 ka aiñ POCSO Act deiwa phah kset oo 10 snem deiwa pynchitom bha deilang ka kuna wa Rs. 30,000 wei lada ym su u daw hap chong patok sa le bnai.

U Batskhembor toh uwa dadep chong patok 3 bnai wa ar sngi wei daw pteiñ u wow chong patok sa ki sngi wa dang sah.