10 sngi e bor ka yung bichaar yow kset ya u dkhot ka HNLC

Ki pulit ynne ka sngi da lai rah ki ya u Storgy Lyngdoh hakhmat u District Session Judge ka East Khasi Hills yow yoh bor neibynta u takit ya uni u dkhot ka HNLC uwa da chah kem.

Neiliang ka yung bichaar da pynmih ko yaka hukum wow kset ya u Storgy 10 sngi ha kti ki pulit neibynta wow takit.

Ki pulit da kem ki ya u Storgy ynne i step uwa man leh kam u Personal Security Officer (PSO) yong ka seiñ Hynniewtrep National Liberation Council (HNLC) deiwa suba wa emkti u wow saam ya ki chithi dawa poisa hei pyrtuid ka HNLC.

U Superintendent of Police ka East Khasi Hills, u Rituraj Ravi da pyntip u wa ki pulit da tip ki yeiwa saam chithi dawa poisa u Storgy haka 1 tarik iwa da pyntieñ pynsier leh ya ki kattu katni ki bru wa khih samen ha Shillong wei da ye leh wow em kiwa dadep su.

Ki pulit da chem ki leh wa u Storgy toh uwa em ha Shillong wei sah u ha Mawlynrei, Khliehshnong wei na oo da kem leh ya kawi Bangladesh SIM Card.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

U Storgy toh u khot ka HNLC wa yajan bha wa u Deputy Commander-in-Chief ka HNLC, wei jooh ma u leh kam u PSO yong u A. Hazarika uwa tip leh kam u Manbhalang Jyrwa uwa ma u Vice Chairman warim ka HNLC.

Ya u Storgy da pyntip u SP toh uwa da thooh ki pulit neidaw wa emkti u ha kiwa boon ki kaam pyrchah aiñ tangwa da yoh bait u wow yut nei kti ka aiñ.