Ka Meghalaya Trinamool Congress ynne da pynbna ko ya 10 tylli ki kular neibynta ka jylla kiwa daw pynkrehkaam ko hapoh 100 sngi hadien wa yoh ko u chna sorkar wei daw pynkrehkaam ya ka MFI-WE Card Scheme hapoh ar tayaw nadooh wa yoh sorkar.
Kini ki 10 tylli ki kular kynthup ki neibynta ka khayi pateiñ, neibynta ki khynroo, ki kynthai, i rep i riang, i chait i khiah, ka puræ puthi, ki kaam uiñke suwari, ki kaam Sports, i tem i put, ka dustur riti wa i pyndap pynbiang hei im ki bru.
Da kular leh wow pynku ya ka GDP da ar chah ha ki san snem, u pynku ya ki karkhana khian soo chah deiwa pynmih thymme 4000 tylli ha ki san snem wei wow wanrah ya ka Scientific Mining Policy.
Daw chna kreh hadooh 3 lak tylli ha ki san snem wow wan wei lyngba ka Meghalaya Youth Empowerment (MYE) Scheme daw e yarap T. 1000 chi bnai cha ki kynroo khyllood ki wym pu em kreh kiwa em 21 hadooh 40 snem i rta.
Daw saam leh 1 lak tylli ki Laptop cha kiwa lai puræ Higher Secondary wa kiwa dang lai College.
Kitu kiwa em ha ki kaam uiñke suwari daw e yarap ya ki ya ki T. 2,500 chi bnai deiwa pynlut T. 75 klur chi snem.
Hapoh ka Meghalaya Financial Inclusion for Women Empowerment (MFI-WE) Scheme daw saam T. 1000 chi bnai cha ki kynthai.
Daw pynku leh ya ka Social Welfare Pension da T. 1000 chi bnai kawa katni toh kawa T. 500 hadooh T. 550 chi bnai.
Daw sdang leh ya ka Meghalaya UNITE (Meghalaya Unorganised Sector Training and Empowerment) Scheme yow yarap e sikai (Skill Training) ya palat 2.8 lak ngut ki bru deiwa e leh ya ka Free Healthcare, Insurance waka Provident Fund.
Daw e leh ya ka e-Ration Card cha waroh deiwa leh Survey deiwi ha waroh ki District yow pynku ya kiwa yoh myntoi lyngba ka PDS.
Daw pynku leh yei su ka MHIS da 25% ya kiwa da heh rta, daw chna leh ya ki Model School ha kawi pa kawi ka Block. Daw e poisa leh T. 1200 cha ki manyung wa em khon kiwa dang lai skur.
Daw chna sarok psiang leh neibynta waroh ki 6,459 tylli ki chnong ka jylla Meghalaya.
Daw wanrah leh da ka Private Member Bill hapoh ka Parliament yow yoh noh yei tipmit yaka ktien Khasi wa Garo hapoh ka 8th Schedule.
Da kular leh wow pyndam noh ya ka soskular (MoU) pynbait pood wa da soi ka sorkar Assam wa Meghalaya wei wow booh ya ki Police Check-Post ha waroh ki thaw khappood wa emkaam.
