theme-sticky-logo-alt
theme-logo-alt

Pdiang sñiawbha ka Cham Cham ya kiwa wan baamdoh wa wanke haka sngi Republic Day

Neiliang ka Dorbar Chnong Cham Cham da pyntip ko cha phi ki paidbah waroh hapoh ka Ri-loom Khasi Jaiñtia hawa yatoh wa kani ka lehkmen Republic Day ha ka 26 tarik uni u bnai, wa ka Dorbar Chnong Cham Cham ym em u khang ko ya ki thaw uiñke suwari hapoh ka chnong ha katai ka sngi.

Ka chnong pdiang sñiawbha ko ya kiwa wan uiñke suwari kiwa wan baamdoh baam Picnic cha ki thaw lai ke kiwa ka em ha kani ka chnong kawa tip leh kam kam ka Sahksaw Fish Sanctuary & Thwai Marang Beach wa ka Rynji Falls kawa man ki thaw kiwa yoosuk kiwa khriñ bha ya kiwa uiñke suwari katni hapoh ka jylla Meghalaya kawa em chiboon ki jait lehke, ki thaw chong lieñ, ki thaw chondur kiwa boonjait kiwa da pynhun ya kiwa wanke cha kini ki thaw.

Kamtæ da kyrpaad ya phi kiwa wan wym hoi u pynjakhlia phi ya ki thaw wada dep phi u pynemkaam deiwa sñiawbha phi u noh yei jhep hapoh ki Dustbin kiwa da booh khnang neibynta yong phi wei wow sñiawbha phi u ya krehlang chirup wa ki aiñ ka Dorbar Chnong.

Da kyntu ya phi wym toh u pynmih ya kiwon kiwon ki kulmar hawa wan phi cha kani ka thaw wei wymtoh u pynthut phi ya kiwi tawon, heijooh i por kamwa pynkynmoo ya phi ki lok ki jor, i por wai toh nadooh 8:00 waje i step hadooh 6:00 waje i janmiet.

Neiliang ka Dorbar Chnong Cham Cham da chim ko ya kani ka laad wow e khublei Republic Day wa suk wa kmen ya phi waroh kamjooh u snem thymme wa suk wa kmen ya phi, e wa uni u snem thymme u wanrah u ha phi i chait i tram, i mankhih mankhan i maya i yatylli wa i suk i saaiñ ya phi waroh.

Ka Wyrta na u General Secretary Chnong Cham Cham.

Share this:
Previous

Lai pynsñiawthooh ki heh ka West Jaiñtia yei emkaam kiwa thap Vote ha ki 3 chnong

Next

10 tylli ki kular wanrah ka TMC neibynta ka Meghalaya lada yoh u chna sorkar