15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

10 tylli ki Oxygen Concentrator e ka Gurudwara Sri Guru Sing Sabha waka Khalsa Aid ya ki pulit ka jylla

Ka Meghalaya Police ynne ka sngi da pynman ko ya ka esikai lyngba ka Webinar hajrong kammon wow yakhun ya ka khlam COVID-19 namo “How to tackle COVID-19” neibynta kiwa kreh yong ka. 

Ha kani ka sngi u bru chemphang toh u Dr. Rahul Bhargava, Principal Director-Haematology, Haemato Oncology & BMT, Fortis Memorial Research Institute, Gurugram, heiwa u R. Chandranathan, Director General of Police da man u kam u kongsan. 

Kani ka esikai toh kammon ki laad yada wow bood ki wakreh haphrang dooh ha kam kini ki por wa em ka khlam wa i emkaam wow e tika. 

Ha ka Webinar da yaklam hajrong i eh i khoo wa yachem ki pulit hawa pyndep ki yei kaam yong ki wei wow pynche hajrong i artatien wow chim ya i tika. 

Ynne ka sngi hi, ka Gurudwara Sri Guru Sing Sabha waka Khalsa Aid da e yarap ko leh 10 tylli ki Oxygen Concentrators cha ki pulit ka jylla, ya kiwa da pdiang da u R. Chandranathan, Director General of Police, Meghalaya hei emlang ki sahep ka chnat pulit wa ki dkhot ka seiñ. 

Neiliang ka Meghalaya Police da e khublei ko ya ini i e sñiawbha kani ka seiñ kam ha kini ki por wa em ka khlam. 

Share this:
Previous

Sa ha Nazareth Hospital pteiñ ka KSU wow e yarap

Next

5 minit e laad ka sorkar wow choh waje ha ki yungmane chwa u sdang ka ngooh Blai wa kyrpang