Shillong: U montri ka tnat Excise, u Metbah Lyngdoh da pyntip u wa em hadooh chiphaw tylli ki thaw ha sor Shillong wa ynru tylli ha Tura kiwa da pynbna kam ki thaw wym chah dai kiad, yeini da ong u yeiwa kylli u MLA ka Salmanpara u Winnerson D Shira ha ka yung dorbar ynne ka sngi.
Katkam wa ong u montri, ki thaw wa ka sorkar da pynbna ko ki wym chah u dai kiad toh na khmat yung u Lat ter ter ka luti cha IGP, Barik hadooh Rhino, na Don Bosco Square, Dhankheti, Fire Brigade Point, ka thaiñ wa lai lyngba na Don Bosco Point ter ter ka luti cha Shillong College hadooh ka yungkrehkaam ka AIR Lachumiere ter ter ka luti Nanpolok, Barik chadooh Red Cross pyllun wa ka thaiñ Nongrim Hills wa kiwi kiwi.
Neiliang ka MLA ka liang pyrchah da pynsñiaw ko wa ha kini ki thaw da em ki Hotel wa ki Restaurant kiwa dai kiad, tangwa neiliang u montri da ong u wa hadooh katni ka sorkar ympu em u yoh yutip ko yeini.
U Metbah da ong u wa ka sorkar ye ko wow pynbna ya kawon kawon ka thaw kawa ye namo ka wymye u dai kiad.
Discussion about this post