Ka Dorbar Chnong Nartiang da pynman ko ya i jied Waheh Chnong ha ka 9 tarik uni u bnai hapoh i pynlai u Dolloi ka Elaka Nartiang heiwa i yaleh da man i hapyrdi u Bin Raliang wa u Chalbester Myria.
Ha ini i jied waheh chnong thymme, waroh kiwa wan thap Vote da em ki 1566 ngut heiwa u Chalbester Myria da yoh u 1010 Vote katwa u Bin Raliang won da yoh u 539 Vote iwa mut wa u Chalbester da jop u da 471 Vote.
Da ini, u Chalbester da man u kam u Waheh Chnong wa pura yong ka Dorbar Chnong ka Nartiang waroh kawi neibynta ka samoi krehkaam wa le snem iwa mut nadooh u 2024 hadooh 2027.
Neiliang yong u Chalbester da pynsñiaw u yei sñiawngooh ya ki paidbah ka chnong wei da kyrpaad u ya i krehlang yong waroh wot ya kiwa ym em kyrchaan ya oo khnang wow ye u wanrah ya i roi i paar ha ka chnong salonsar waroh kawi khlem da ñiaw chiliang ya kiwon kiwon.
Discussion about this post