Ki pulit ka West Jaiñtia Hills District kam chibynta ka Fit India Freedom Run kawa da pynman nadooh ka 5 tarik u Naisaphra wei da pynkut ha ka 21 tarik uni u bnai deiwa lai phet ki 12 sien ha man ka sngi Saturday wei da ye ki wow pyndep u phet hadooh 105 Km waroh.
I phet toh deiwa em ki sngi 13 Km, em ki sngi 10 Km wei kam chibynta ka Police Commemoration Day ha uni u bnai da phet 21 Km iwa man leh kam ka Half Marathon.
Ki thaw wa da phet toh kam na Syntu Ksiar cha Police Reserve, na Khliehtyrchi cha Syntu Ksiar, na Ummulong Beat House cha Jowai Police Station wa kiwi kiwi de ki thaw.
Ya kani da leh kam chibynta wow pychlur ya kiwi nadooh ki khynroo kamjooh kiwa da heh wow chimkhia yei chait i khiah wei da yahkhmat u SP, u C. Syrti uwa da em 50 snem i rta deilang wa kiwi ki pulit wa dang khynroo.
Discussion about this post