Ka Goodwill Mupliang SC da jop ko ya ka Young Lads CC da 5 Wicket haka Quarter Final wa nyngkong ynne ka sngi yong ka District Cricket League 2026 wa da pynman da ka West Jaiñtia Hills District Cricket Association, Jowai yow psiah Semi Final.
Ya ka kylla-khlem da jop da ka Goodwill Mupliang kawa da jied wow kawang bol nyngkong. Ka Young Lads hawa Bat nyngkong da kamai ko 152 Run na ki 35 Over deiwa haap 9 Wicket. Na kiwa Bat yong ka, u Maremdorkini Sutnga toh uwa kamai boon Run doohdeiwa dat 44 Run na ki 51 bol, pynbood won da u Eshan Siangshai uwa kamai 13 Run na ki 25 bol. Na kiwa kawang bol ka Goodwill Mupliang, u Greatestful Lyngkhoi wa u Levestar Phawa da yoh ki u pynhaap mar 3 Wicket na ki 7 Over.
Ka Goodwill Mupliang hawa beh ya ka thong da ye ko wow pynjop deiwa kamai 156 Run na ki 23.3 Over deiwa dooh ko 5 Wicket deiwa lehbha u Byforcestar Dhar uwa da kamai 66 Run na ki 60 bol, pynbood won da u Oniwanker Sna uwa kamai 35 Run na ki 37 bol. Na kiwa kawang bol ka Young Lads, u Meroily Lytan da yoh u pynhaap 3 Wicket na ki 4 Over.
Yei naam Man of the Match da yoh rah da u Byforcestar Dhar uwa yalehke ka Goodwill Mupliang SC.
Ka yalehke Quarter Final wa ar toh ha ka 27 tarik hapyrdi ka Ummulong SC pyrchah ya ka West Jaintia Police CC ha Khliehtyrchi Mini Stadium, heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches
Discussion about this post