Kiwa dang yoh COVID-19 ha Meghalaya ynne ka 13 tarik da em ki 109 ngut, kiwa dang chait 55 ngut wa sa uwi wa yap.
Uwa dang yap toh uwa 70 snem uwa na Wahthapbru, Shillong uwa tip kam u Peter Kharkongor uwa da li rah cha Nazareth Hospital tangwa da khlaad noh u chwa wow poi Hospital ynne i step ka 13 tarik heipor 5:20 wei da Test ya oo daka Rapid Antigen Test heipor 5:39 i step.
Na kiwa dang yoh thymme, ha East Jaiñtia Hills da em 2 ngut. Ha East Khasi Hills da em 85 (chipai-27, paidbah-58). Ri Bhoi 9 (chipai-3, paidbah-6). West Garo Hills 13 (chipai-10, paidbah-3).
Kiwa dang chait toh ha East Khasi Hills 30 ngut (chipai-2, paidbah-28), Ri Bhoi 2, West Garo Hills 23 (chipai-15, paidbah-8).
Kiwa dang em COVID-19 ha ka jylla man kamni ha wah:
EAST KHASI HILLS-1048 (chipai-215, paidbah-833)
WEST KHASI HILLS-14
SOUTH WEST KHASI HILLS-5
RI BHOI-137 (chipai-49, paidbah-88)
WEST JAINTIA HILLS-13
EAST JAINTIA HILLS-148
WEST GARO HILLS-201 (chipai-80, paidbah-121)
SOUTH WEST GARO HILLS-8
SOUTH GARO HILLS-20 ki chipai
EAST GARO HILLS-17
NORTH GARO HILLS-12
Waroh kiwa dang em ya uni u khñiang da em ki 1623 ngut, kiwa chait 2075 ngut wa 26 ngut kiwa yap.
