15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

57% kiwa dang yoh COVID-19 ha India em ki ha ki 5 tylli ki jylla

Advertisement ad1

Katwa dang lai luti ka India cha i chait na u COVID-19 deiwa em palat 70,000 ngut kiwa chait man-ka-sngi heiwa ha kini ki 24 kynta da em 78,399 ngut kiwa chait heiwa waroh kiwa chait da em ki 37,02,595 ngut iwa man leh da em 77.88% kiwa da chait.

Na kiwa dang chait, 58% toh kiwa na ki 5 tylli ki jylla kitæ ka Maharashtra, Tamil Nadu, Andhra Pradesh, Karnataka wa Uttar Pradesh. Ka Maharashtra dang pteiñ hi wow em kiwa boon dooh kiwa chait deiwa em palat 13,000 ngut katwa na Andhra Pradesh da em palat 10,000 ngut haka chi sngi.

Na ki 94,372 ngut kiwa dang yoh ha kini ki 24 kynta, ha Maharashtra da em palat 22,000 tylli kiwa dang yoh pynbood saka Andhra Pradesh wa Karnataka kiwa em palat 9000 ngut.

Da jan dap 57% kiwa dang yoh thymme na ki 5 tylli ki jylla kiwa ha i jooh i por leh em 58% kiwa dang chait.

Kiwa dang em ya uni u khñiang hapoh ka ri da em ki 9,73,175 ngut. Ha Maharashtra da em ki palat 2,80,000 ngut katwa ha Karnataka da em palat 97,000 ngut.

Ki 5 tylli ki jylla leh da em ki ya 60% na waroh kiwa dang em ya uni u khñiang hapoh ka ri heiwa ha Maharashtra (28.79%), Karnataka (10.05%), Andhra Pradesh (9.84%), Uttar Pradesh (6.98%) wa Tamil Nadu (4.84%).

Kiwa dang yap kiwa em 1,114 ngut ha kini ki 24 kynta, heiwa kiwa boon dooh toh ha Maharashtra 391 ngut, pynbood saka Karnataka 94 ngut katwa ha Tamil Nadu da em 76 ngut.

Share this:
Previous

Dawa hiar chuki ka BJP Jaiñtia Hills ya u Dr. Kharluki manda pynsakhiat yei baamtooh hapoh JHADC

Next

109 ngut kiwa dang yoh, 55 kiwa chait wa sa uwi wa yap na u COVID-19 ha Meghalaya