U Montri Rangbah ka jylla Arunachal Pradesh, u Pema Khandu da lai-kjat (trek) u 24 Km ha ki 11 kynta deiwa kaap ya ka Karpu-La (16000 ft) wow poi ha kawi ka chnong wa tip kam ka Luguthang kawa em 14,500 ft na sla duriaw (above sea level) ha ka Tawang District ka jylla.
Ini i lai-kjat u toh neibynta ki 3 sngi wow lai pait ya kani ka chnong yow pyntikna wa yoh ki ya ki Scheme sorkar.
Ka Luguthang toh kawi na ki chnong kawa em cha jngai dooh na sor ha ka jylla wei em ko du kamwa 10 tylli ki manyung wei kamwa 50 ngut kiwa chong chnong.
Kiwa chong chnong khih ki deiwa ri ya ki Yak kiwa boon bha ha ki thaaiñ ki loom Himalaya.
Da kynmoo warom u leh ya u pa yong oo uwa jooh man kam u montri rangbah warim ka jylla, u Dorjee Khandu chirup wa kiwa chong chnong ka Luguthang wa ki Monk na Tawang Monastry (Ganden Namgyal Lhatse Monastry).