Ha ka 23 tarik uni u bnai, ki BSF ka Meghalaya da yoh ki wow khanglaad ya ki Bangladeshi kiwa da thmu wow kaap pyrchah aiñ ya u pood ka India-Bangladesh.
Ya kini da yoh wow kem da ki chipai ka BSF 172 Bn wa em ha East Jaiñtia Hills heiwa kini ki bru toh 6 ngut ki Bangladeshi kiwa dadep wow psiah cha India pyrchah ya ka aiñ ha ki bnai wa dadep wei da lai kreh ki ha yung ki bru ha Bengaluru wei kattæ da mut ki wow liwan biang cha Bangladesh khlem da lai luti katkam ka aiñ.
Kini kiwa chah kem toh ka Shilpi (26 snem) ka kurim u Miraj Sikdher, ka Mariya (11 snem) ka khon u Miraj Sikdhe, ka Rohima (6 snem) ka khon u Miraj Sikdher, u Farooq (2 snem) u khon u Miraj Sikdar, ka Rumana (23 snem) ka kurim u Mohammed Edrish wa u Rahat (7 snem) u khon u Mohammed Edrish.
Ya kini da e kti cha ki pulit ka Umkiang yow leh yeiwa emkaam.
Ha ka 20 tarik da yoh wow kem sa 5 ngut ki Bangladeshi kiwa chalan tooh ya kiwa boon ki maar ha khappood ka South Garo Hills wei ya kini da yoh wow kem da ka 200 Bn ki BSF.
Kini kiwa chah kem toh u Md. Sakibul Basir (20 snem), u Adnan Mahamod Rohim (22 snem), u Sojib Ahamed (17 snem), u Md. Sakib Hussain (19 snem) wa u Md. Saju (27 snem).
Discussion about this post