Ka Special NIA Court wa em ha Patiala House Court ka New Delhi da phah kset ko ya ki 7 ngut ki pharæng 11 sngi ha kti ka National Investigation Agency (NIA) ynne ka sngi.
Kini ki pharæng toh kiwa na Ukraine kiwa chah kem le ngut na Delhi, le ngut na Lucknow wei uwi toh uwa na US uwa da chah kem na Kolkata.
Ya kini ki 7 ngut da wanrah hakhmat u Additional Sessions Judge, u Prashant Sharma uwa da phah wow kset ki 11 sngi ha kti ki NIA hadooh ka 27 tarik uni u bnai.
Ka NIA da paan ko wow kset ki 15 sngi yow pynman yei takit.
Kini ki phareng toh kiwa da wan cha India deiwa em Visa wei hadien won da psiah ki cha Mizoram wei da lai won ki cha Myanmar deiwa yachem wa ki seiñ kieñ suloi.
Ka NIA da pynbaad ko wa kini ki bru da lai ki cha Myanmar yow yoh sikai (Training) hei rukom leh thma iwa da leh da ki seiñ kieñ suloi kani ka ri kiwa yakrehlang wa ki seiñ kieñ suloi wa em ha India.
Da pynbaad leh wa kini ki bru heipor wa wan ki cha India na Europe da wanrah ki deilang boon tylli ki Drone.
Discussion about this post