11 tylli ki yalehke da pynman ha ka sngi wa ar ka 3rd North East Blind Football Tournament

Shillong: Ynne ka sngi wa ar ka 3^rd North East Blind Football Tournament da pyndep 11 tylli ki yalehke wa pynman da ka Indian Blind Football Federation, ha Shillong Public School. 

Ka Bethany Society of Shillong da jop ko ya ka yalehke wa ar yong ka ha ka Pool A, katwa ka FABB Kolkata ynne da sdang ko ya ki yalehke yong ki wei da jop ko ha waroh ar tylli ha ka Pool B. 

Ka Bethany Society ha ka yalehke yong ka da jop ko da 4-0 ya ki Newbies United. 

U Gabriel Nongrum da yoh biang u ya ka Hat-trick wa ar katwa u Hilter Khongphai da thap u chi kool, kini ki ar ngut toh kiwa mihkhmat ya ka India ha kani ka yalehke.

Related posts

Psiah Semi ka Rymbai Shkenshynriah ha ka Gold Cup ka WSSWO

November 18, 2024

Super Division: Jop ka 7 Wasa wa Nangbah Mulang

November 18, 2024

Ka North East Shower Blind Football Club (NESBFC) of Arunachal Pradesh da pynrem ko ya ka Garo National Blind Football Club (GNBFC) da 2-0, heiwa pyn ar kool da thap da u Klingson. Da thap u leh chi kool yow pynrem ya ka Handicapped Association of Manipur. 

Ka Handicapped Association of Manipur won ha kawi tawon ka yalehke da jop ko da 9-0 ya ka Siliguri Blind School lyngba ki 7 tylli ki kool wa thap u Manzur Hussain wa ar tylli na u Padichun. 

Ka chi kool na u Rolungthara da pynjop ko ya ka Mizoram da 1-0 pyrchah ya ka Newbies United, katwa ka Moran Blind School da pynrem ko ya ka Mont Fort School da 4-0, heiwa waroh ki kool da thap da u Neerav. 

Ka FABB Kolkata da pynrem ko ya ka Tura da 5-0 kiwa thap da u Rajkumar. 

Ka yalehke hapyrdi ka Mizoram Blind Society waka Mont Fort School da kut ko da 1-1.

Ka yalehke ka FABB Kolkata waka Siliguri Blind School da kut ko da 2-1 kawa jop ka FABB.

Mynstep won u sdang ki yalehke wow jied ya kiwa yoh u psiah Semi Final ki wow sdang nadooh 8:00 i step.