Ka The Legends (Lissi Pearl) da jop ko ya ka Wahiajer SC da 47 Run ha ka yalehke Quarter Final wa khaddooh ynne ka sngi yong ka District Cricket League 2026 wa pynman da ka West Jaiñtia Hills District Cricket Association, Jowai yow psiah Semi Final.
Ya ka kylla-khlem da jop da ka The Legends (Lissi Pearl) kawa da jied wow Bat nyngkong wei da kamai ko 197 Run na ki 35 Over deiwa haap ko 8 Wicket. Na kiwa Bat, u Shaniahlang Ryngkhlem da kamai boon Run u deiwa yoh 69 Run na ki 42 bol, pynbood won da u Dachange Mi Phawa uwa kamai 47 Run na ki 54 bol. Na kiwa kawang bol ka Wahiajer, u Janai Talang da yoh u pynhaap 3 Wicket na ki 7 Over, katwa u George Ryngkhlem wa u Mebanker Suting won da yoh ki u pynhaap mar 2 Wicket samen na ki 7 Over.
Ka Wahiajer hawa beh ya ka thong da ye ko wow kamai du 150 Run na ki 29.5 Over deiwa dooh waroh ki Wicket. Na kiwa Bat, u Kitboklang Shylla da yoh boon Run u deiwa dat 41 Run na ki 40 bol, pynbood won da u Jeremaia Mukhim uwa yoh 21 Run na ki 22 bol. Na kiwa kawang bol ka The Legends (Lissi Pearl), u Conrad Sana da yoh u pynhaap 5 Wicket na ki 6.5 Over katwa u Rainbow Phawa won da yoh u 2 Wicket na ki 7 Over.
Yei naam Man of the Match da yoh da u Conard Sana uwa yalehke ka The Legends (Lissi Pearl).
Ka yalehke Semi Final wa nyngkong u pynman ha ka 02-04-2026, hapyrdi ka Goodwill Mupliang SC pyrchah ya ka The Legends (Lissi Pearl) ha Khliehtyrchi Mini Stadium, heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post