U DHS(MI) ka jylla u Dr. Aman War da pyntip u wa kiwa dang yoh COVID-19 hapoh Meghalaya hadooh ynne i sngi ka 28 tarik da em ki 111 ngut wa 59 ngut kiwa dang chait.
Na kiwa dang yoh thymme da em 47 ngut ha East Khasi Hills (2 ngut ki bru chipai, 45 ngut ki bru paidbah), North Garo Hills 3, West Khasi Hills 1, West Garo Hills 23, East Garo Hills 32, East Jaiñtia Hills 3, Ri Bhoi 2.
Na kiwa dang chait da em 7 ngut na East Khasi Hills wa 52 ngut na West Garo Hills.
Ki bru paidbah kiwa dang yoh toh ha East Khasi Hills 43 ngut kiwa man kam ki High Risk Contact kiwa na Upper Laban, Mawbah, Laban Circuit House, Rilbong, Mawprem, Nongkseh, Dhanketi, Malki, Nongrah, Sunny Hill, 1 wa yoh SARI (Severe Acute Respiratory Infections), 1 naka OPD ka Bethany Hospital.
Ha West Garo Hills 4 ngut kiwa chem deiwa Test paidbah ha Phulbari Cluster, North Garo Hills 3 ngut toh ki High Risk Contact, East Jaiñtia Hills 2 ngut ki High Risk Contact.
Ha East Garo Hills 31 ngut kiwa chem deiwa leh yaka Test paidbah ha Rongjeng wa 1 na i Test paidbah ha Naangbata Bazaar. Ha West Khasi Hills 1 pulit na Malangkona outpost.
U DHS da ong u wa i daw wa boon ki bru paidbah wa yoh ya uni u khñiang ha ki yaw wa em ha Rongjeng toh wym bood yaki kyndon Social Distancing wei wym deiñ ya ki Mask.
Ha i Test paidbah wa pynman ha Shillong, ha Pynthor Club da Test ya 203 ngut heiwa da chem ya 4 ngut kiwa yoh COVID-19. Ha Maxwell Town da Test ya 352 ngut wei da chem leh ya 8 ngut wa yoh, ha LIC Office da Test ya 56 ngut wei da chem ya 1 wa yoh katwa ha Police Bazaar da Test ya 41 ngut wei ym em wa yoh.
U DHS da pyntip u leh wa ya u Kanchand Singh uwa na Jhalupara uwa khlaad ha NEIGRIHMS, 23-07-20 uwa yoh COVID-19 wei wei yoh u ya i Kidney Failure wa kiwi kiwi da kheiñ noh ya oo kam uwa khlaad na u COVID-19, iwa da pynpoi ya kiwa yap cha ka 10 ngut.
Da pyntip u leh wa kiwa yoh COVID-19 kiwa khlaad u kheiñ bait kam kiwa yap na uni u khñiang.
Kiwa dang em ya u COVID-19 ha ki District man ki kamni ha wah:
East Khasi Hills-885 (chipai-284, paidbah 601)
West Khasi Hills-44
Ri-Bhoi-70 (chipai-7, paidbah-63)
West Jaiñtia Hills-2
East Jaiñtia Hills-15
West Garo Hills-158 (chipai-98, paidbah-60)
South West Garo Hills-3
South Garo Hills-11 ki chipai
East Garo Hills-71
North Garo Hills-13
Waroh kiwa dang em ya uni u khñiang da em ki 1272 ngut (399 ki chipai, 873 ki paidbah), kiwa chait 958 ngut, kiwa yap 10 ngut wa 17 ngut kiwa da mih napoh ka jylla.
Ki nongmuna kiwa da phah Test da em ki 84038 tylli, kiwa ym em chah ktah da em ki 81146 tylli, wei dang yang yaki 652 tylli ki Result.
Kiwa da liwan chapoh ka jylla hadooh ynne ka sngi da em ki 31634 ngut.
