15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pyndam yaka hukum pynman Containment Area ya i yung ha Ladthadlaboh, Jowai

Advertisement ad1
Advertisement ad1
Advertisement ad1

Jowai: U District Magistrate, West Jaiñtia Hills da pynmih hukum u ynne ka sngi yow pyndam noh yaka hukum wa pynmih haka 25 tarik uni u bnai yow pynman Containment Area ya waroh i yung (Building) u (L) Arwot Lamare, Ladthadlaboh Main Road, Khliehumsacham, Moosalyngkat Road, Jowai.

Kani ka hukum u krehkaam ko nadooh 5 waje i step ka 29 tarik uni u bnai hadooh wa pynmih hukum da kamwi.

U District Magistrate da pyntip wa da pyndam noh yaka hukum hadien wa yoh yaka Report naka Health & Family Welfare Department, West Jaintia Hills wa da pyndep yaka Contact Tracing wa leh daka Contact Tracing Team wei kamjooh da dep yaka e sikai Behaviour neibynta waroh kani ka yung.

Ki kyndon wa da pyndam yaka hukum toh kamni ha wah:

  1. Ka Village COVID-19 Management Committee, Ladthadlaboh deiwa ya krehlang waka District Administration, Jowai Municipal Board, District Surveillance Officer u pait ki yei rukom im deiwa kylla na iwa jooh kiwa em hapoh kani ka yung deiwa hap wow deiñ yaki Maski haki thaw paidbah, u yajngai na kiwi kamjooh wow lehkhooid ya ki kti.
  2. Ki paidbah toh u bood ki thij yaka Social Distancing deiwa yajngai 2 meter (6 feet), ym toh wo ya khynnia ha iwi i dukan næ i thaw. U deiñ Mask khlem dam, ym toh wow mynthu ha ki thaw paidbah, u man kiwa lehkhooid, u lehkhooid yaki yung wa ki soodong, wei wym toh wow noh roi ya i jhep.
  3. Ki tre dukan toh u sait ki yei kti da ka um wa i sabon lane ki Sanitizer dei langær, kamjooh wow pynkhooid ya ki dukan man-ki-sngi wa ki thaw wa em chajan.
  4. U ya krehlang wa ki bor District, pulit wa ki bor chnong.
Share this:
Previous

111 ngut kiwa dang yoh COVID-19, da pynbna sa uwi wa khlaad ha Meghalaya

Next

U wai noh ka sorkar ya ki 3 tylli ki thaw uiñke suwar nadooh u Naikhynde