Kiwa dang yoh COVID-19 ha Meghalaya ynne ka 5 tarik da em ki 111 ngut, kiwa dang chait da em ki 98 ngut wa 1 wa dang yap, katkam wa pyntip u DHS(MI) ka jylla u Dr. Aman War.
Kiwa dang yoh thymme toh ha East Khasi Hills 72 ngut ki bru paidbah. Ha West Garo Hills 6 ngut. Ha East Jaiñtia Hills 10 ngut. Ha Ri Bhoi District 19 ngut. Ha South West Garo Hills 1. Ha West Jaiñtia Hills 2 ngut. Ha South West Khasi Hills 1. Wei da em leh 37 ngut ki chipai kiwa da kyrriah na East Khasi Hills cha Ri Bhoi District.
Kiwa dang chait da em ha East Khasi Hills 82 ngut (chipai-4, paidbah-78), Ri Bhoi (7), West Garo Hills (3), East Jaiñtia Hills (5), West Khasi Hills (1).
Ki bru paidbah wa yoh thymme ynne ka sngi ha East Jaiñtia Hills toh ki High Risk Contact, East Khasi Hills 2 ngut ki wakreh Health, 24 ngut ki High Risk Contact, 1 wa dang liwan wa kiwi toh kiwa naki Cluster. Ha Ri Bhoi 1 wakreh Health wa 12 ngut ki High Risk Contact. Ha West Jaiñtia Hills 2 ngut ki High Risk Contact.
Uwa dang yap toh uwa tip pyrtuid kam u Manoranjan Deb (55 snem) uwa na Mawbah uwa da rah yow sumaar ha NEIGRIHMS ha ka 26 tarik u Naikhynde uwa da chem toh uwa yoh COVID-19 wei da khlaad noh u ha i janmiet ynnin ka 4 tarik.
Kiwa dang em ya u COVID-19 ha ki District man ki kamni ha wah:
EAST KHASI HILLS: 1566 (chipai-32, paidbah-1534)
WEST KHASI HILLS: 10
SOUTH WEST KHASI HILLS: 16
RI-BHOI: 274 (chipai-43, paidbah-231)
WEST JAIÑTIA HILLS: 30
EAST JAIÑTIA HILLS: 38
WEST GARO HILLS: 198 (chipai- 44, paidbah-154)
SOUTH WEST GARO HILLS: 37
SOUTH GARO HILLS: 10
EAST GARO HILLS: 14
NORTH GARO HILLS: 24
Waroh kiwa dang em ya uni u khñiang da em ki 2217 ngut, kiwa da chait da em ki 4491 ngut wa 59 ngut kiwa yap.
Ki nongmuna namo ki Sample kiwa da phah Test da em ki 1,60,779 tylli wei kiwa ym em chah ktah da em ki 1,54,012 tylli, ynne ka sngi da Test ya 1740 tylli.
Kiwa psiah chapoh ka jylla da em ki 44,288 ngut.
