15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

I kreh ha khappood toh u man i neibynta i pynroi donhi, ymtoh wow kam ya u pood: HBDRF

Advertisement ad1

Ka Hynniewtrep Border Dispute Redressal Forum (HBDRS) hadien wa wan chna sarok ka jylla Assam kamjooh i kyntoor pood ka Assam ha chnong Lapangap, West Jaiñtia Hills, neiliang ka Forum ynne ka sngi da lai yachem ko ya u DC ka West Jaiñtia hajrong ini.

Neiliang ka Forum da e ko leh ya ka dorkhat ya u DC kamjooh leh u CEM ka JHADC heiyatoh wa ini i kaam.

Advertisement ad1

Ha ka dorkhat, ka seiñ da ong ko wa neiliang ka sorkar Assam da wan chna ko ya uni u sarok nadooh u 2019 wei neiliang ka Lapangap Khanduli Border Area Action Committee da ujor ko yeini i chna sarok ha ka 16 Naichiphaw wa 6 Khonchonglad 2019 wei kani hi ka jooh ka dorkhat da ekti leh cha ka JHADC.

Hawa yaklam wa u Chairman ka Forum, u C. Sungoh da ong u wa ki bru na kini ki chnong da wanrah ki ya ki Land Holding kamjooh leh ki Pata cha ka yung krehkaam u DC wa ka JHADC wei neiliang u DC da pyntip u leh wa ya kani ka kaam da ekti ha ka BDO ka Thadlaskeiñ Block kawa man leh kam ka Border Magistrate.

Neiliang kani ka sahep da phah wan ko ya ki tre thaw ka chnong Lapangap ha ka 26 Khonchonglad (November) 2019 wow pynsakhiat yei mantre yong ki, tangwa ym em u wan ki.

Kamtæ neiliang ka Forum da rai ko wow chimkhia yeini deiwa yaklam wa ki tre thaw wa em ha Lapangap wow wanrah ki ya ki kot thaw yong ki wei khnang wa u DC u ye u wow yaklam wa ki bor District ka West Karbi Anglong.

Heiyatoh won wa i wan chna sarok ka Assam, neiliang u DC da pyntip u wa ymye u khang ya kiwon kiwon ki kaam pynroi lada na ka Assam næ Meghalaya neibhah wa kani ka kaam toh neibynta i bha i miat ki paidbah.

Chooh chooh u Sungoh da ong u wa emkaam wa ki kreh ha kani ka chnong wa ki thaw toh du neibynta ki kaam pynroi donhi wei ymtoh wow pynman ya ki kam ka kabu wow kam ya u pood.

Share this:
Previous

U pteiñ biang i krehkaam ka Section 144 ha West Jaiñtia Hills

Next

111 ngut kiwa dang yoh COVID-19 ha Meghalaya, kiwa dang chait 98 ngut wa 1 wa yap