Kiwa dang yoh COVID-19 ha Meghalaya ynne ka 19 tarik da em ki 112 ngut, kiwa dang chait 46 ngut wa 4 ngut kiwa dang yap katkam wa pyntip ka yung krehkaam u DHS.
Na kiwa dang yoh thymme ha East khasi Hills da em ki 87 ngut (chipai-22, High Risk Contact-34, wakreh Health-1, ILI-1, Sari Case-1, Barapathar Cluster-2, Jhalupara Cluster 4, Laban Cluster-1, Police Bazaar Cluster-5 wa ha Raj Bhavan Cluster-16.
Ha West Garo Hills kiwa dang yoh thymme toh 18 ngut (chipai-11, High Risk Contact-4, kiwa liwan na baar jylla-3)
Ha Ri Bhoi District toh 4 ngut kiwa dang yoh thymme (High Risk Contact-3, kiwa liwan-1).
Ha East Jaiñtia Hills da em 1 wa liwan na baar jylla wa dang yoh.
Ha West Jaiñtia Hills da em 1 wa man kam High Risk Contact.
Ha South West Garo Hills 1 High Risk Contact.
Kiwa dang chait toh ha East Khasi Hills 20 ngut kiwa waroh ki bru chipai. Ha West Garo Hills 10 ngut (chipai-8, Tikrikilla Cluster-1, Phulbari Cluster-1). Ha South Garo Hills 10 ngut (High Risk-7, kiwa liwan-3). Ha East Jaiñtia Hills 5 ngut kiwa liwan wa chait. Ha Ri Bhoi 1 wa liwan wa chait.
Ki 4 ngut kiwa dang yap toh 3 ngut kiwa na East Khasi Hills wa 1 na West Garo Hills, tangwa yaki 2 ngut da dep pynbna ynnin tangwa neiliang ka sorkar ym pu em kheiñlang ko yaki kiwa da kheiñ ynne ka sngi katwa kiwa ym pu ym pynbna toh kini ha wah:
1. U Khartik Ghosh (50 snem) uwa na Anandamath, Tura wei da khlaad u ha Tura Civil Hospital haka 18 tarik heipor 7 waje i miet wei da li booh ya oo haka 17 tarik. Da khlaad u naka Hypoxic Encephalopathy neidaw ka COVID-19 Pneumonia deilang waka Diabetes Mellitus Type 2 kamjooh ka Hypertension.
2. U Artis Pyngrope (68 snem) na Madanryting, Shillong uwa da li booh ha Dr H. Gordon Robert’s Hospital haka 13 tarik uni u bnai wei da khlaad u ynne ka 19 tarik heipor 3:24 i step. Uni toh uwa yoh COVID-19 wei da khlaad u naka Acute Respiratory Tract Infection deiwa em leh ka Septic Shock waka Hypertension.
Kiwa dang em ya u COVID-19 ha ki District man ki kamni ha wah:
East Khasi Hills: 1433 (chipai-237, paidbah-1196)
West Khasi Hills: 10
South West Khasi Hills: 6
Ri Bhoi: 132 (chipai-41, paidbah-91)
West Jaiñtia Hills: 9
East Jaiñtia Hills: 275
West Garo Hills: 141 (chipai-59, paidbah-82)
South West Garo Hills: 16
South Garo Hills: 8 (waroh ki chipai)
East Garo Hills: 5
North Garo Hills: 3
Waroh kiwa dang em ya uni u khñiang da em ki 2038 ngut, kiwa chait da em ki 2483 ngut wa 36 ngut kiwa yap.
Ki nongmuna kiwa da phah Test da em ki 131433 tylli, kiwa ym em chah ktah da em ki 126022 tylli wei dang yang yaka Result ki 854 tylli.
Kiwa da psiah chapoh ka jylla da em ki 37743 ngut.
