Ha ka 4th WAKO India Open International Kickboxing Tournament wa da pynman ha K.D. Jadhav, Indira Gandhi Sports Complex nadooh ka 1 tarik hadooh ka 5 tarik uni u bnai, kiwa yalehke ka Meghalaya da yoh ki waroh 12 tylli ki takma wa kynthup ya 4 tylli ki takma ksiar, 5 tylli ki takma rupa wa 3 tylli ki takma tama.
U Babit Kharsahnoh uwa ksoh ya ka World No.10 ha u 2021 da ksoh biang u yei naam Champion ka Kickboxing neibynta ka K1 Rules Event Below 51 Kg Senior Men Category deiwa yoh leh ya ka takma ksiar.
Ka Evangel Pohplet (K1 Rules below 52 kgs Women Senior Category) leh da yoh takma ksiar ko neibynta ki kynthai, u Lumjingsuk Iawphniaw (Low Kick 51 kgs Men Senior Category) wa u Derrick Dashankur Nongrum (K1 Rules below 54 kgs Junior Category) da yoh takma ksiar ki.
U Samebaniar Lyngdoh Mawphlang (Below 18 kgs Point Fighting Event Children Category) da yoh takma rupa u neibynta ki khynnah wa 6 snem i rta kawa man leh ka sien wa nyngkong wa chimbynta u ha kani ka Championship. Kiwi de kiwa yoh takma rupa toh u Kerborlang Hing (Below 51 K1 Rules Men Senior), u Dajied Kyrpang Synjri (Below 37 kgs Kick Light Old Cadet Boys), u Malvin Lyngdoh Marshillong (Below 60 kgs K1 Rules Men Senior) wa ka Joviality Lyngdoh Kynshi (Below 40 kgs K1 Junior Female).
Kiwa yoh takma tama toh u Sakibanshai Nongbri (Below 54 kgs K1 Rules Event Senior Men), u Apbantei Marbaniang (Below 71 kgs weight K1 Rules Event Senior Men Category) wa ka Narimon Nongrum (Below 48 kgs Weight Category with Low Kick Event Female Senior Women).
Neiliang ka Meghalaya State Kickboxing Association da e khublei ko ya waroh kini kiwa jop nadooh kiwa e sikai namo u Kickboxing Trainer, u Fourwell Khongmalai wa kiwi de ki Coach kam u Khraw Jutang Kharsyntiew na ka 14-8 MMA Dojo Mairang, u International Kickboxer, u Nathaniel P Kurkalang na St. John Bosco MMA Training Centre Sohra wa kiwi de.
Discussion about this post