U Montri Rangbah ka jylla, u Conrad K Sangma ynne da yaklam u wa kiwa yoh takma neibynta ka Meghalaya Games ha ka 38th National Games kawa da pynman ha Uttarakhand heiwa kiwa yalehke ka jylla da yoh ki 5 tylli ki takma wa kyntup ya kawi ka takma ksiar wa mar ar tylli ki takma rupa wa takma tama.
Da e khublei u leh ya ki Coach kini kiwa yalehke kiwa da pynpoi ya ki cha kani ka thong.
Da ong u leh wa dadep u wow yaklam wa u Pynshngaiñ Kurbah wei sñiaw u wym man khlem da yaklam wa kiwi kiwa da yoh takma.
Da pyntip u cha kini kiwa yoh takma wa manda poi Shillong biang ki daw em iwa daw pyntip cha ki wei daw man ko ka khubor wa kmen wa bha heiwa ya u Pynshngaiñ dadep wow khana ya oo.
U Conrad da pyntip u leh wa kamwa da kular u ya u Pynshngaiñ dei kreh sorkar ya kini kiwi leh daw yaklam wa ki.
Kam wow pynkynmoo wa kiwa yoh takma toh u Vikash Rana, ka Elizabeth Vincent, u Indra Sharma, u Pynshngaiñ Kurbah, ka Kiran Devi waka B. Anandhi.
U Indra Sharma toh uwa dang 15 snem i rta.
Discussion about this post