Kiwa yalehke Taekwondo ka Meghalaya kiwa mihkhmat ya ka ri India ha ka 1st Bangabandhu Open International Taekwondo Championship 2023 wa da pynman ha Dhaka, Bangladesh da ka Bangladesh Taekwondo Federation kawa da tipmit da ka World Taekwondo (WT), ka
Asian Taekwondo Union (ATU), ka Bangladesh Olympic Committee deilang waka sorkar Bangladesh da yoh ki 12 tylli ki takma.
Ka Alia Deisaka Lyngdoh da yoh takma ksiar ko ar tylli kawi ha ka Poomsae Category U-9 wa ha ka Female Kyorugi, ka Pinky Narzary da yoh takma ksiar ko ha ka U-40, ka Zoe Guite Mawthow ha ka U-50.
Na ki chynrang da yoh takma ksiar u Clifford Luiram ha ka Male Kyorugi Category.
Kiwi de kiwa yoh takma toh u San Iktiar Magdiel Basaiawmoit uwa da yoh takma rupa, u Yusuf W Tariang, u Teinam Swer, u Rinreiso Luiram wa u Marcellino Rymbai kiwa da yoh takma tama hapoh ka Male Kyorugi Category.
Ka Safika B Dkhar da yoh takma tama ko ha ka Female Kyorugi Category.
Kani ka International Taekwondo Championship toh kawa da sdang ha ka 19 tarik uni u bnai wei da pynkut ka ha ka 21 tarik uni u bnai.
Discussion about this post