theme-sticky-logo-alt
theme-logo-alt

126 ngut kiwa wan thoh yaka Exam ka KSU yow jied ya ki wow phah Coaching UPSC

Hadien wa ka KSU da pynbna paidbah ko wow kyrchaan ya kitu kiwa kwah u yaleh ya ka Exam UPSC, ynnin ka sngi da pynleh ya ka Entrance Exam yow jied ya kiwon u kyrchaan poisa yow phah lai puræ namo ka Coaching ha Delhi.

Na ki 160 ngut tam kiwa da wan wow pyndap pyrtuid da em 126 ngut kiwa da wan wow thoh ya ka Exam kawa da pynman nadooh 1:00 waje i sngi hadooh 3:00 waje noh chariñ ka sngi.

Ka KSU da leh ko ya ini neidaw wa duna ki jaitbru kiwa man ki tre ri, tre chnong ka jylla wa man kam ki IAS, IPS wa kiwi kiwi hawa nujor pyn wa ki jylla ka thaaiñ mihsngi, kamtæ ka seiñ da chim ko da kani ka luti kam chibynta wow pynchlur wei wow kyrchaan ya kiwon kiwon ki paradoh parasnaam kiwa em i thmu wow pynpliah ya idæ ha kani ka bynta.

Ya ka Result kani ka UPSC-CSE Scholarship Examination ka seiñ daw pynbna lyngba ka Website yong ka seiñ haki tayaw wow wan.

Share this:
Previous

Pasi u koidi hapoh ka District Jail wa em ha Jowai 

Next

Daw pteiñ u slap sa 4-5 sngi ha Meghalaya: IMD