15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

139 ngut kiwa dang yoh COVID-19 ha Meghalaya wa sa 2 ngut kiwa yap

Advertisement ad1
Advertisement ad1
Advertisement ad1

Kiwa dang yoh COVID-19 ha Meghalaya hadooh ynne 1 waje ka 14 tarik ha Meghalaya da em ki 139 ngut, kiwa dang chait 76 ngut wa 2 ngut kiwa yap katkam wa pyntip u DHS(MI) u Dr. Aman War.

Na kiwa dang yoh thymme da em ha East Khasi Hills 124 ngut (chipai-39, paidbah-85); Ri Bhoi 12, West Garo Hills 1, East Jaiñtia Hills 2.

Kiwa dang chait thoh ha East Khasi Hills (48), ha Ri Bhoi (19), ha East Jaiñtia Hills (5) wa ha West Garo Hills (4).

Kiwa dang yap ynne ka sngi toh uwi uwa tip pyrtuid kam u Ïohbor Kharsohnoh (46 snem) uwa na 7 Mer Upper Shillong uwa poi ha Bethany Hospital heipor 7:20 ynne i step uwa da chitom chwa chi tayaw heiwa da Test ya oo ha Bethany daka Rapid Antigen Test heiwa da chem wa yoh u ya u COVID-19 tangwa da pyrchang wow kyrriah noh ya oo cha NEIGRIHMS tangwa da khlaad chwa u pyn ha Ambulance kamtæ da phah pynkhooid (Sanitize) biang ha Bethany.

Sa uwi won uwa yoh toh uwa tip pyrtuid kam u Binod Kumar Goenka uwa na Paltan Bazar (66 snem) uwa da phah na Super Care Hospital cha NEIGHRIMS ha ka 25-08-20 heiwa hawa Test da chem wa man u uwa yoh COVID-19, uni toh uwa da em chitom chwa hei wow riñ mynsien wei da khlaad u ynne ka sngi heipor 12:40.

Ki bru paidbah kiwa dang yoh thymme toh ha East Khasi Hills 66 ngut kiwa man kam ki High Risk Contact, ha Laban Cluster 10, Golflink Cluster 6, kiwa chitom SARI 3. Ha Ri Bhoi 8 ngut ki High Risk, 3 ngut wa liwan na baar jylla wa 1 napoh ka karkhana pynmih khyndaw bilat. Ha East Jaiñtia Hills toh 2 ngut ki High Risk Contact. Ha West Garo Hills toh 1 wa liwan.

Kiwa dang em ya uni u khñiang ha ki District man ki kamni ha wah:

East Khasi Hills: 1124 (chipai-240, paidbah-884)

West Khasi Hills: 14

South West Khasi Hills: 5

Ri Bhoi: 130 (chipai-47, paidbah-83)

West Jaiñtia Hills: 13

East Jaiñtia Hills: 145

West Garo Hills: 198 (chipai-79, paidbah-119)

South West Garo Hills: 8

South Garo Hills: 20

East Garo Hills: 17

North Garo Hills: 12

Waroh kiwa dang em ya uni u khñiang da em ki 1686 ngut, kiwa chait 2151 ngut wa 28 ngut kiwa yap.

Ki nongmuna kiwa da dep phah Test da em ki 1,15,901 tylli; kiwa ym em chah ktah da em ki  1,11,073 tylli wei dang yang yaka Result ki 964 tylli.

Kiwa psiah chapoh ka jylla da em ki 36202 ngut.

Share this:
Previous

T. 33 klur yoh ka Meghalaya na ka sorkar pyrdi wow yakhun COVID-19 ha ka bhah wa nyngkong

Next

Hadooh 3186 sien tyngkheiñ ka Pakistan ya ka Ceasefire ha u LOC