Kawi ka kynthai Khasi kawa dang khyllood (23 snem) kawa kreh Casual ha yung krehkaam ka NEC, Shillong da pynbaad ko ya uwi u bru wa tip kam u Shubham Sharma uwa kreh kam u Cashier ha katai kajooh ka thaw wa da jrong kti wei leh khlemakor u ka ha ka 19 tarik uni u bnai.
Hajrong ini i jia, neiliang kani ka kynthai deilang wa kiwa ha-yung ha-sem da ujor FIR ki ha Laitumkhrah Police Station, wei ynnin hi i miet ki pulit da lai kem noh ki ya u Shubham.
Neiliang ka Beiheh kani ka kynthai da khana ko wa kani ka kynthai da paan bor ko wow lai cha Bank wei heitai i por utai u bru da chim kabu u wow lai lang da ka kari yong oo, tangwa heithaw wow lai cha Bank da yah pathan u chei thaw sah (Quarter) yong oo wa em ha Motinagar wei da sdang u wow leh khlemakor. Chooh chooh da khana wa hadien ini, utai u bru da yah pynuiñ u ka kylleiñ ka sor hadooh i por janmiet.
Hawa yaklam wa u Superintendent of Police ka East Khasi Hills, u Sylvester Nongtnger da khana u wa ki pulit ka Laitumkhrah mar ya yoh ujor ki da lai ki wow kem ya utai u bru ynnin i miet wei ynne ka sngi da lai rah cha yung bichaar wei ka takit ya utai u bru dang lai ko katkam ki kyndon yong ka aiñ.
Ynne ka sngi won da lai yah ya uni u bru hakhmat ka yung bichaar District and Session Judge ka East Khasi Hills heiwa da phah kset ya uni u bru 14 sngi hapoh ka Judicial Custody yow takit chooh chooh ya oo.
Discussion about this post