Ka jylla Mizoram kawa man leh kawa duna dooh wa em kiwa yoh COVID-19 hapoh ka ri, ynne i step ka 10 tarik da yoh ko 141 ngut kiwa dang yoh COVID-19 iwa man leh iwa boon dooh haka chi sngi katkam wa pyntip da ka laad pathai khubor sorkar ka Mizoram.
Na kini kiwa dang yoh thymme 138 ngut toh kiwa napoh Aizawl District kiwa da pyntikna daka Test RT-PCR katwa 3 ngut won deiwa leh daka Rapid Antigen Test ha Kolasib District wa kynthup ya uwi uwa yah kari.
Na kiwa dang yoh thymme, 2 ngut toh kiwa liwan na baar jylla katwa kiwi toh kiwa da chem deiwa leh ya i booddien namo ka Contact Tracing.
Wa kini kiwa dang yoh thymme da pynpoi ko ya waroh kiwa da dep yoh COVID-19 cha ka 1333 ngut, kiwa chait 750 ngut wa 583 ngut kiwa dang em ya uni u khñiang wei ym pu em wa yap na kiwa yoh.
Na waroh kiwa da dep yoh, 1108 ngut toh ki chynrang wa 225 ngut ki kynthai.
