15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynpsiah ya ki Rafale Fighter Jet hapoh ka Indian Ar Force

Advertisement ad1
Advertisement ad1

Ki 5 tylli ki lieñsuiñ yapam Rafale Fighter Jet kiwa thied naka ri France kiwa da poi hapoh ka ri haka 27 tatik u Naiynniaw ha Ambala Air Force Station, ynne ka sngi da pynman yaka yalang wow pynpsiah ya ki hapoh ka Indian Air Force 17 Squadron ‘Golden Arrows’ da u montri yada ri u Rajnath Singh.

Kini ki Fighter Jet toh i sien wa nyngkong wa da thied thymme hapoh ka ri hadien 20 snem.

U Rajnath Singh da ong u wa da ini daw pynkhlan ko yei yatoh lok ka India waka France kamjooh daw ye ka India wow wanrah yei chongsuk chongsaiñ hapoh ka thaaiñ khamtam ha u LAC lada em wa toor chapoh u pood ka ri.

Ha kani ka sngi da emlang ka Florence Parly, Minister of Armed Forces, France kawa da ong wa ka India da pyntam ko ya kiwi dewa yoh ya kini ki lieñsuiñ yapam, wei man ko leh kam i dak wa yatoh lok ki ar ri wei kyrchaan ka France yei man ka India kam kawi na ki ri wow em hapoh ka United Nations Security Council.

Ka Parly da ong ko wa kini ki Jet toh kiwa da dep pynsakhiat wa man kiwa jop ha ki kaam yong ki kiwa da yarap yaka France wow poi thong ko kam ha i yaleh pyrchah wa kiwa pyrchah yaka ri.

Share this:
Previous

141 ngut kiwa dang yoh COVID-19 ha Mizoram iwa boon dooh haka chi sngi

Next

Hap leh saka RT-PCR Test lada ka Antigen Test pynyoo ko wa man Negative kiwa em yei dak chitom