theme-sticky-logo-alt
theme-logo-alt
Advertisement ad1

1459 ngut kiwa dai tooh ya ki Ticket rel wa chah kem hapoh ka Operation Upalabdh

Advertisement ad1

Deiwa sdang biang ki rel wa lai luti jngai namo ki Long Distance Train Services wei daw sdang leh ki tamasa wa boon jait ha ki bnai wa daw wan iwa daw wanrah yei yaknieh Ticket iwa da yoo pyn nadooh u Wisu (Mar) 2022.

Kamtæ deiwa pyrkhat yeini, ka Railway Protection Force (RPF) da pynkreh ko ha waroh kawi ka ri ha u Wisu yow kem ya kiwa dai tooh ya ki Ticket. Neiliang ki bru ka RPF da pynlang pynlum ki ya ka yutip heiwa nadooh ka 1 tarik u Wisu da kem ki 1459 ngut kiwa dai tooh (Touts) ya ki Ticket heiwa na kini da em 341 ngut kiwa da tipmit da ka IRCTC kam ki Agent yong ka kiwa da emkti wow dai tooh ya ki Ticket rel.

Kamtæ da lai chakhmat wow Blacklist ya kini ki IRCTC Agent wei da pyndam leh u krehkaam ki 366 tylli  ki ID ki IRCTC Agent wa ki 6751 tylli won yong kiwi ki bru samen. Ini i kem da man ko 3.64 chah ya iwa yoh u kem ha u Thohlakhmi (Feb) 2022. Ka bai Ticket yong ki bru wa dadep su yow lai luti da poi ko T. 65 lakh wa dadep pynlang da kini kiwa dai tooh wei da yoh u chim biang ka yow wailaad ya kitu kiwa thied deiwa lai da ki luti wa biang wow yoh thaw chong ki.

Ini i leh da ka RPF da e pyrtuid Operation Upalabdh heiwa da ye wow pynsuk u yoh Ticket ki bru. Neiliang ka Indian Railways da kyntu ko ya ki paidbah wym toh u thied Ticket na ki bru wym em da yoh bor kiwa leh da ki luti wa man pyrchah ya ka aiñ neibhah lada chem, kini ki Ticket ye ki wow chah kyntait heiwa kiwa thied leh daw ngat ki ha ka aiñ.

Kani ka Operation Upalabdh ka RPF pyrchah ya kini kiwa dai tooh ya ki Ticket daw pteiñ ko hadooh kini ki sngi wa daw wan.

Advertisement ad1
Share this:
Previous

Rah ka Chnong Lama ya ka Elaka Lakadong Knockout Football Tournament

Next

Da toh u khang ya kawi na ki Toll Gate ha Jaiñtia Hills