15 snem phah kset ka yung bichaar ka POCSO East Jaiñtia Hills ya uwa slaitbor ya ka khynnah wa 17 snem

Ka yung bichaar ka B. Khriam, Special Judge (POCSO), East Jaiñtia Hills District ha ka 27 tarik u November, 2025 da pynmih hukum ko yow phah kset ya u Batista Paslein 15 snem deiwa khor bha hapoh ka Section 4(1) ka POCSO Act deilang ka kuna wa Rs. 50,000.

U Batista da slaitbor u ya kawi ka khynnah wa 17 snem heipor kamwa 4:30 i step ka 26 tarik u December 2020.

Kani ka khynnah da lai sah ko cha yung ka lok ko ha ka 20 tarik u December 2020 wei ha ka sngi wa jia ini, da khynrngiat ko nawa thiah wei da yoo ko ya u bru wa em hajrong ko tangwa ym tipmit ko oo neidaw wa doom wei hadien wa kiad ko da wan ki payu ka lok ko wei da ksoh ki ya u Batista deiwa maham wow phah kset patok oo heiwa nyngkong pynkhor u wym tieñ u tangwa hadien won da paan maap u wei da yut u.

Hadien won uni u bru da wan biang u wei da slaitbor u ka heipor wa dang yoh thiah ko wei ym ye ko wow yaleh pyrchah neidaw wa da ksoh u yei kti ko.

Related posts

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Chah tooh biang sa kawi ka Scooty na pchem yung ha Jowai

February 16, 2026

Ya ka FIR da booh ha ka Officer-In-Charge ka Khliehriat Women’s Police Station wei da pynman yei takit da ka WPSI. O. Tyngkan heiwa da Charge Sheet ha ka 14-04-24.