Heiyatoh wa i chah slaitbor kawi ka kynthai ha ka 15-11-2021 heipor 12:00 waje pyrdi sngi ha u bru wa tip kam u Elias Siangshai heipor wa dang mih ko na chnong Umpyrkit heiwa uni u bru da maham u ka leh wym toh wow khana bru yeini wa jia.
Tangwa neiliang kani ka bru da ujor FIR ko ha Nartiang Police Station wei da Register Case hapoh ka Section 376(2)(f) wa 506 ka IPC, heiwa ya ka takit da pynman da ka WPSI I. Dkhar.
Neiliang ka yung bichaar u N.A. Khan, Session Judge, Jowai ha ka 16 tarik uni u bnai da phah kset u deiwa pynchitom bha ya u Elias Siangshai 15 snem deilang ka kuna wa Rs. 5000 hapoh ka Section 376(1)(f) wa sa 5 snem deiwa pynchitom bha deilang wa ka kuna kawa Rs. 1,000 hapoh Section 506 Part-II.
Ini i phah kset toh deiwa kheiñlang heijooh i por tangwa neidaw wa da chong patok chwa u, daw hap u wow chah kset sa 12 snem, 2 tayaaw wa 4 sngi.
Discussion about this post