15 49.0138 8.38624 1 0 4000 1 https://wyrta.com 300 0

15 sngi booh kyrpang ka sorkar ya ki warep wa yoh myntoi naka PM-Kisan yow suk ki wow yoh ya ki KCC

0 Comments
Advertisement ad1

Jowai: Ki 15 sngi wa da booh kyrpang nadooh ka 8 tarik uni u bnai daka sorkar India yow pyndap ya ka PM-KISAN, ka Scheme yarap poisa ya ki warep wa em thaw hapoh ka Kisan Credit Card (KCC) da sdang yaka hapoh East wa West Jaiñtia Hills District.

Waroh kiwa kwah u yoh myntoi naka PM-KISAN da kyrpaad ya ki wow lai ki cha ki chnat Bank wa em ki yaka PM-KISAN Account yow e ya ki yaka KCC yow yoh myntoi ki na kani ka Scheme. Da phah ya ki Bank wow e ki ya ki KCC hapoh 14 sngi nadooh wa yoh ki ya ki Application na ki warep.

Advertisement ad1

Ya kiwa da em chwa hapoh ka PM-KISAN u ye ya ki KCC yong ki du da iwa lai ki cha ki chnat Bank deiwa rah lang ya ki kot ki sla wa mantre thaw ki, ki mar wa rep ki deiwa pyndap yaka Form wa chi sla yow yoh ki yei myntoi. Ya kitu kiwa da em chwa ya ki KCC ye ki wow paan pynku yaka poisa wa yoh ki lada emkaam ki. Ya kitu won kiwa em ya ki KCC ki kiwa da yap yei ki wow lai cha ki chnat Bank yow pynim biang ya ki. Yaka KCC katni da e leh cha kiwa ri mrad wa kiwa pasn dakha.

Da phah leh ya waroh ki Bank wow pynman ki yaki pynsñiawthooh paidbah chaphang ini kamjooh ya ki sahep ki chnat Agriculture, Animal Husbandry, Fisheries wa Community and Rural Development wa kynthup ya ki Bank Sakhi hapoh ka NRLM. Ki chnat Bank hap ki leh wow pynkhreh ya ki pyrtuid ki bru wa yoh myntoi naka PM-KISAN ki wym em ya ki KCC wei u pyntip yei jooh cha ki chnat sorkar.

Ye leh wow lai ha kini ki Website yow yoh yutip chooh chooh ka www.agricoop.gov.in, www.pmkisan.gov.in wa ki Website ki Scheduled Commercial Banks. Yei rukom pyndap ya ka Form neibynta ka PM KISAN ye wow yoh na ki Common Service Centres kamjooh wow thap pyrtuid yow yoh ya ki KCC.

Yei pynche ye leh wow lai cha ki Branch Manager.

Advertisement ad1

0 Comments

Leave a Reply