Kiwa dang yoh COVID-19 ha Meghalaya hadooh 1 waje i sngi ynne ka 16 tarik da em ki 159 ngut katwa kiwa dang chait da em ki 74 ngut katkam wa pyntip u DHS (MI) u Dr. Aman War.
Na kiwa dang yoh thymme da em ha East Khasi Hills 106 ngut (chipai-9, paidbah-97), Ri Bhoi 8, East Jaiñtia Hills 34, South West Garo Hills 2, West Garo Hills 6, West Khasi Hills 2, East Garo Hills 1.
Kiwa dang chait da em ha East Khasi Hills 40 ngut, ha West Khasi Hills 4, West Garo Hills 12, East Garo Hills 15, North Garo Hills 1, South Garo Hills 2.
Ki bru paidbah kiwa dang yoh thymme toh ha East Khasi Hills 93 ngut ki High Risk Contact wei na kini 1 toh na Chief Minister’s Bungalow wa yabi na uwa yah kari u CM, kiwa yoh ILI 1, kiwa liwan na baar jylla 1, ha East Jaiñtia Hills 34 ngut ki High Risk Contact, ha Ri Bhoi 7 ngut ki High Risk wa 1 wa liwan na baar jylla, ha West Garo Hills 2 ngut kiwa liwan na baar jylla, ha South West Garo Hills 1 wa liwan na baar jylla, 1 High Risk Contact, ha West Khasi Hills 1 Health Worker wa 1 High Risk Contact, ha East Garo Hills 1 High Risk Contact.
Na Star Cement hadooh kattæ da em 210 ngut kiwa dang em ya uni u khñiang heiwa ynne ka sngi da em 33 ngut kiwa dang yoh na Star Cement wa 1 na Lumshnong wa leh yaka Home Quarantine.
U DHS da pyntip u leh wa duna i Test toh neidaw wa duna ki kor wei lada pynboon won yaki kor daw hap thung kreh sa ki Microbiologist kiwa hadooh katni dang duna bha ki wakreh hanla ka sorkar da e laad ko wow thung kreh Contract Basis ya ki.
Kiwa dang em ya uni u khñiang ha ki District man ki kamni ha wah:
East Khasi Hills: 1252 (chipai-244, paidbah-1008)
West Khasi Hills: 12
South West Khasi Hills: 5
Ri Bhoi: 160 (chipai-47, paidbah-113)
West Jaiñtia Hills: 14
East Jaiñtia Hills: 237
West Garo Hills: 177 (chipai-65, paidbah-112)
South West Garo Hills: 11
South Garo Hills: 18
East Garo Hills: 3
North Garo Hills: 12
Waroh kiwa dang em ya uni u khñiang da em ki 1902 ngut, kiwa da chait 2264 ngut wa 29 ngut kiwa yap.
Ki nongmuna kiwa da dep phah da em ki 1,20,576 tylli, kiwa man Negative namo kiwa ym em chah ktah da em ki 1,15,611 tylli wei dang yang yaka Result ki 770 tylli.
Kiwa da psiah chapoh ka jylla da em ki 37080 ngut.
