Ka BJP Mahila Morcha National President, ka Vijaya Rahatkar ynne da wan ko ha Shillong wow wai sdang ya ka tayaw ‘Sewa Saptah’ (Service Week) yong ka Bharatiya Janata Party. Ya kani ka program da pynman kam chibyntya wow lehkmen ya i dap 70 snem u montri rangbahdooh ka ri, u Narendra Modi kawa toh ha ka 17 tarik uni u bnai,
U BJP State President, Ernest Mawrie da pdiang burom u ya ka Vijaya Rahatkar heiwa ka Rahatkar da pynlait ko ya ka Video wa ekhublei ki bru ya u Modi na ki 70 tylli ki ri.
Ha kani ka sngi da saam kymmor leh ya ki dkhot ka seiñ ‘Spark’ katwa hei janmiet won ka Rahatkar da lai ko cha ka Holy Child Mercy Home wa em ha Demthring wow esñiawbha ya ki bru wa heh rta da ki soh, ki Mask wa kiwi kiwi.
Neiliang u Mawrie da pynbna u leh wa ka Party daw pynman ko ye lehkmen ha kylleiñ ki District ka jylla nadooh i pynkhooid chnong, thung dieñ wa kiwi kiwi.