Kam chibynta i lehkmen ya ka World Tourism Day ynne ha ka yalang wa da pynman ha Shillong, neiliang u Montri Rangbah ka jylla, u Conrad Sangma da pyntip u wa ha u snem 2024 da em 16 lak ngut kiwa wan uiñke suwari kiwa napoh ka ri wa 2.3 lak ngut won kiwa na baar ri wei ini da pynyoh kreh ko ya kamwa 50,000 ngut ki bru.
Yow pynheh pynsan yeini, u Conrad da ong u wa da em 210 tylli ki kreh kiwa yatoh wa ki kaam Tourism kiwa dang chna kiwa chongdor Rs. 3625 klur yow pynman ya ka Meghalaya kam ka thaw uiñke suwari wa miat bha.
Ha kani ka sngi da pynlait paidbah leh ya u Meghalaya Tourism Helpline Number 1800-599-2026 uwa man uwa nyngkong dooh kam uni u hapoh India wei uwa ye u pynemkaam nadooh 8:00 waje i step hadooh 8:00 waje i miet.
U Conrad da pynlait u leh ya ka Chief Minister’s Meghalaya Homestay Mission Document wa ka Chief Minister’s Meghalaya Homestay Mission kawa e yarap poisa 70% kam ka Subsidy da ka thong wow chna 3,000 tylli ki Homestay yow pynku ya ki kamra thaw sah sa 6000 tylli.
Ya kitu kiwa dadep seiñ khih ki wym em yoh ya Meghalaya Homestay Scheme kawa nachwa, daw yoh ki da ka Grant kawa hadooh Rs. 2 lak.
Ha kani ka sngi da pynlait leh sa 10 tylli ki kari hapoh ka Meghalaya PRIME Tourism Vehicle Scheme wei da saam leh ki khusnaam cha kiwa jop ya ka Outlook Magazine Responsible Tourism Awards.
Discussion about this post